السلام عليكم ورحمه الله وبركاتــه

مرحبـــــــــــــ ملايين ... ولايسدن ..

شحالكم ربكم الا ابخيــر ...

والله هالبرد ذبحنا اتراه ... وزاد الزود ان الواحد يـاكل أكثـر من اللازم .. ووزنه ايزيد عن المعدل الطبيعي ويلي ويلاه ..

وعاده ها شيء واللي مهتوي الطبخ شيء ثاني

ما يروم ع فراق الكتشن.. :79: ..



هالكيكه خذت طريقتا من الاخت هنـد ربي يخليها لنـا (مب عضوة عندنا للأسـف )

	المقادير :- 4 بيضات كاس سكر ملعقة صغيرة فانيليا 3 حبات جبن مثلثات أو كيري ربع كاس زيت نص كاس حليب سائل 1 كاس دقيق و يوضع عليه ملعقة أكل باكينج بودر الطريقة كالمعتاد ,, أخفقي البيض جيداً الواحدة تلو الأخرى ثم أضيفي الفانيليا ثم السكر وأخفقي جيداً لمدة 3 دقائق تقريباً ثم أضيفي الزيت ثم الجبن والآن أضيفي الحليب السائل بالتناوب مع الدقيق وP.P أخلطي جيداً ثم صبي الخليط في صينية مدهونة ( الصينية حجم وسط ) أدخليها الفرن لحد ما تستوي وتتحمر من فوق تقريباً لمدة 45 دقيقة على نار هادئئئئئئئئة

انا اعتمد ع هالخــلاطـة دوم ..




ونخلطها عدل


طبعا اتييبون الصينيه مدري شو تسمونها انتم .. تدهنونها بشويه زيت وترشون بالمنخل عليها شويه طحيـن ..

السبب :- عشان لاتلصق الكيكه بالقاع وذيج الساعه يروح تعبكم عـ الفاضــي ..



اهنيه الكيكه توها طالعه من الفرن .. :101:...






ها للتغليفـة من فوق ..
حليب محلى مكثـف وسميد ( عيش مطحون )



هالسميد المحمص .. طبعا ً .. تقلونه ع نار عشان تحمصونه .. شرات القهوة يعني ..





حار بحار ما طولتها وهيه اقصيره
اهنيه الله يسلمكم .. جبيت الحليب المحلى المكثف فوقها .. تقريبا ربع القوطي بس مب كله ..



خلاف اتوزعونه عدل ع الكيكه ..


لوك هيـر .. اهنيه الله يسلمكم خلاص حطينا التغليفـة حق الكيكه وخلصنا ..
واللي هيه حليب مكثف ورشينا فوقه السميد المحمص ..

يبان جي جنه شوكليت .. طعمه حلو والله ..






حان موعد التقطيع .. تبون اتقطعونها جي مربعات .. ولاعـ شكل مُعين .. عكيفكم عاده ..

بس مربع اجمـل * فنظري *








احينه نشلها من الصينيه إلى صحن التقديم ..




هـــا شكلها ..





اهنيه خلاص خلصنا وغطيناها .. ودامنا فالبرد نبى شيء حار مع استكانـه جاي احمـر :wub:
فلا تفكرون اتحطونها فالثلاجـة ابدا ً .